॥  श्री गजानन प्रसन्न  ॥

संस्कार भारतीत माझी अगदि प्रथम, १० ऑक्टोबर २००३ ह्या दिवशी, पुण्यातील कृषी महाविद्यालयात  श्री.सतीश ब्रह्मे ह्यांचेशी ओळख झाली व माझ्या चित्रकलेचे पंख पुन:श्च फडफडू लागले ! तेव्हा पासून जवळ जवळ आजपर्यंत, त्यांनी स्वत:  बनवलेल्या व स्थापित केलेल्या गणपतीचे दर्शनाला ते आवर्जून बोलावतात व मी ही तत्परतेने दर्शना ला जात असतो. आज त्याचे दर्शन आपणा सर्वांना घडवित आहे ! बोला गणपती बाप्पा मोरया .

ही काही छायाचित्रे !

१) हा गणपती श्री. सतीश ब्रह्मे ह्यांनी बनवलेला आहे.

२) आणि हा कु. देवश्री हीने ( श्री. ब्रह्मे ह्यांची कन्या ही पण दर वर्षी गणपती करते) केलेला आहे.

रविवारचा साप्ताहिक निसर्गचित्रण वर्ग

कालचा दिवस खरचंच उत्साह जनक होता. आज निसर्ग चित्रणा साठी आम्ही गोखले इन्स्टीट्युट मध्ये गेलो होतो. तशी आज पावसाची बर्‍यापैकी उघडिप होती. अधून मधून सूर्यदेव चक्क दर्शनही देत होते ! त्यातच आज तिथे एका सिनेमाचे शुटींग ही चालू होते. काय गोष्ट आहे ते काही फारसे कळले नाही, परंतू बर्‍याच लहान मुली तिथे खेळतांना दिसत होत्या. मध्येच " कट " आवाज व्हायचा व हे खेळणे खिदळणे  थांबायचे ! कुठल्याश्या गाण्यावर शुटींग चाललेले असल्याने पुन्हा तेच गाणे सुरू व्हायचे व मुलींचा खेळण्याचा गोंधळ सुरू व्हायचा, असे आलटून पालटून चालू होते.

ही पहा त्याची क्षणचित्रे

आणि ही एक छोटीशी क्लीप तुम्हीहि क्षणभर त्यांच्या आनंदात सामील व्हा !

तेव्हढ्या काळात मी माझे हे एक निसर्ग चित्रण संपविले, कसे आहे कॉमेंट्स द्यायला विसरू नका.

हे सर्व काही चालू असतांनाच, एक वेडगळ दिसणारी बाई इकडून तिकडून येरझार्‍या घालतांना दिसली, केस पिंजारलेले व पिवळट मळकट पंजाबी ड्रेस घातलेला, पण कानात इयर फोन लावून कुठलेसे गाणे ऐकण्यात तल्लिन झालेली ! मला तिची ही छबी का कोण जाणे एकदम आवडून गेली व मनात विचार आला की हिचे पोर्ट्रेट काढायला मिळाले तर ?

असा विचार मनात यायला व शेजारीच बसून माझे चित्रण बघत असलेला त्यांच्यातील एक ज्युनीअर आर्टीस्ट मला म्हणाला की , "तुम्ही पोर्ट्रेट्स सुध्दा काढता का ? "

मी म्हणालॊ, " हो काढतो की " व त्या मघाच्या तिथूनच जात असलेल्या बाई कडे वळून त्याला दाखवत म्हणालॊ , " ह्यांचे  काढायला मिळाले तर  ? "

तो म्हणाला " अहो एव्हढंच ना?  मग बसतील की त्या , मी सांगू का त्यांना " असे महणत तो उठून त्यांचे पाशी गेला. त्यांची एकमेकांशी ओळख असावी, लगेचच त्या तयार होऊन बसल्या की त्या पुढे येऊन ! अगदि अजिबात न हालता , मग काय केली सुरूवात व अगदि आत्मविश्वासाने  काढले त्यांचे पोर्ट्रेट !

मग कळले की हे वेडगळ पणाचे सोंग त्यांना त्या सिनेमात वठवावयाचे आहे व म्हणून मेक अप करून मधे वेळ होता म्हणून त्या हिंडत वेळ काढीत होत्या.  मग त्त्यांचेशी  ओळख व  गप्पा सुरु झाल्यात  त्यांचे नाव आहे  ज्योती भावे- मते ! सिनेमा नाटके असतेच.  त्या उत्तम नृत्यांगना पण आहेत. मुख्य म्हणजे त्या फेस बुक वर ही अ‍ॅक्टीव्ह  आहेत !  नंतर जेव्हा  त्यांची फेस बुक वरील प्रोफाईल पाहिल्यावर तेव्हा तर  त्यांच्या इतर रग्गड अ‍ॅक्टीव्हीटीज कळल्या.
ही  आहेत. ती त्यांच्या पोर्ट्रेट  च्या वेळची क्षणचित्रे

हे पहिले पेन्सिल स्केच

                                                                                         
                                                       सुरवातीचे वॉशेश

                                                          आकार घेऊ लागला !

                                

                                                           आणि हे झाले व्यक्तिचित्र तयार !      

आणखीन एक महीला चित्रकार माझ्या समवेत पहिल्यानेच निसर्ग चित्रणास आलेल्या होत्या त्यांनीही एक खाली दिलेले पोर्ट्रेट काढले !

हे सर्व आम्ही काहीच तसे एका बाजूला करित होतो, तो पर्यंत वर्गावर आलेले पसार झालेले होते. पण स्नेहल पागे ही पण आमच्या समवेतआलेली होती. नुकतेच तिने आपले अमेरिकेतील शिक्षण संपवून भारतात परतली आहे. ती ऑइल पेंट मध्ये लॅंड्स्केप काढीत होती , तिचेही काही फोटो  खाली देत आहे.

 तिचे काम चालू असतांना मी ही तिचे शुटींग केले, तिचे काही ब्रश स्ट्रोक्स पहाण्या साठी, ही बघा ती क्लीप.

बर्‍याच दिवसाने ही पोस्ट ब्लॉगवर आपल्या पुढे ठेवली आहे भट्टी जमली असेल तर नक्की सांगा !

मासिक नृत्य साधनेचे चौथे पुष्प !

संस्कार भारती संभाजी भाग, पुणे, च्या वतीने शनिवारी दिनांक १८ सप्टेंबर २०१० रोजी संध्याकाळी ठीक ७ वाजता श्री मृत्युंजयेश्वर मंदिरात मासिक नृत्य साधनेचे चौथे पुष्प सम्पन्न झाले. खरे तर दुसऱ्या शनिवारी गणेशोत्सवाची सुरुवात होत असल्याने हे पुष्प नेहमीप्रमाणे दुसऱ्या ऐवजी तिसऱ्या शनिवारी ठेवले गेले. ह्या कार्यक्रमाचे सूत्र संचालन संभाजी भागाच्या मातृशक्ती प्रमुख सौ. गीता कोलंगडे ह्यांनी पार पाडले

ह्यावेळी कुचिपुडी हा नृत्य प्रकार सादर करणाऱ्या नृत्यांगना होत्या कोहिनूर दर्डा.  त्याच्या बरोबर त्यांची मैत्रीण पुर्वा गोडबोले ज्या कथक मधे तरबेज आहे, ह्यांनीही हजेरी लावली ! . ह्या दोघींनी कार्यक्रमाच्या  शेवटी आपापल्या नृत्यशैली्चे सादरीकरण एका जुगलबंदीने करून एकूण कार्यक्रमाला खूपच उंचीवर नेऊन पोहोचवले.

आजच्या प्रमुख पाहूण्या होत्या निलिमाताई आध्ये, पुण्यातील प्रसिध्द नृत्यगुरू रोहिणी भाटे ह्यांच्या त्या शिष्या. तसेच गांधर्व महाविद्यालयातून व फर्ग्युसन मधून कथक नृत्यामधे प्रथम क्रमांकाने एम ए झाल्या. ललित कला केंद्र, पुणे विद्यापीठ, व गुरू रोहिणी भाटे ह्यांच्या नृत्य अ‍ॅकेडमीतून अध्यापन केले. स्वत:च्या ’प्रकृति कथक’  ह्या नृत्यालयाला पंधरा वर्षे झाली आहेत.नवे नवे प्रयोग करणे , नत्य विषयक लेखन करणेव्याख्याने देणे व नवनवीन शिष्या तयार करणे हे त्यांचे कार्य अखंडितपणे चालूच आहे. गणित हा ही त्यांच्या आवडत्या विषया पैकी एक, त्यात एम एस करून गणितातही अध्यापन केले होते.

प्रथम ह्या तिघी व पुणे महानगराचे संघटन मंत्री श्री. मिलिंद भोळे ह्यांनी नटराजाची पूजा केली. त्या नंतर सौ. स्वाती देव ह्यांनी संस्कार भारतीचे ध्येय गीत म्हटल्यावर मुख्य कार्यक्रमाला सुरुवात झाली.

आजच्या नृत्यांगना कोहिनूर दर्डा ह्यांनी त्यांच्या खास कुचिपुडी ह्या शास्त्रीय नृत्य शैलीतून आपल्या एकेक रचना सादर करीत प्रस्तुत नृत्य साधनेचे चौथे पुष्प श्री मृत्युंजयेश्वराला अर्पण केले. कोहिनूर दर्डा ह्यांनी त्यांचे कुचिपुडी नृत्याचे शिक्षण आपल्या गुरू सौ. गायत्री आंबेकर ह्यांचे कडून घेतले. सौ. गायत्री आंबेकर ह्यांनी हैदराबाद तेलगु युनिव्हर्सिटीतून कुचिपुडी नृत्यात एम ए केलेले आहे. तसेच कोहिनूर, गेली अकरा वर्षे प्रख्यात नृत्यांगना सौ. स्वाती दैठणकर ह्यांच्या कडे भरतनाट्यम शिकत आहेत.

शालेय शिक्षणातही कोहिनूर नेहमीच पुढे राहिल्या आहेत !  अभिनव मधून दहावीच्या परिक्षेत त्यांना ९२ % मार्क्स पडले होते. पुढेही त्यांनी आपला अग्रक्रम कायम राखीत  फर्ग्युसन मधून जर्मन भाषेत प्रथम येत मॅक्समुलरभवनची सलग दोन वर्षे स्कॉलरशिप मिळवीत दोनदा जर्मनीस जाऊन तिथेही आपल्या कलेचा ठसा उमटविला. इतर अनेक स्पर्धांमधून व सादरी करणांतून त्यांनी आपली चमक दाखवलेली आहे व आपले नाव सार्थ केले आहे !

अश्याच पध्दतीने प्रत्येक महिन्याच्या दुसऱ्या शनिवारी, येत्या वर्षभर नृत्य साधना  हा नूतन कार्यक्रम विविध नृत्य कलाकारांच्या सहकार्याने सादर केला जाणार आहे. ह्या कार्यक्रमाची पुढील वर्षभर व्यवस्था पहाण्याची जबाबदारी सौ. मुग्धा मुळ्ये ह्यांनी स्विकारलेली आहेच.
नेहमीप्रमाणेच ह्याही कार्यक्रमाला श्रोतृवर्ग भरपूर संख्येने उपस्थित होता.

ह्या कार्यक्रमाची ही काही  छाया चित्रे .

नटराज पूजन

एक मुद्रा

एक रौद्र मुद्रा

अजून एक मुद्रा

कोहिनूर दर्डा, निलिमा आध्ये व  पूर्वा गोडबोले

तर ह्या आहेत  काही चित्र-फिती

ध्येयगीत



.
तांडवनृत्य करी गजानन




 गोपालकृष्ण स्तुती


थाळी नृत्य

जुगलबंदी

गुरुंचे विचार : निलिमा आध्ये

नृत्य साधनेचे तिसरे पुष्प

नृत्य साधनेचे तिसरे पुष्प नित्य नेमा प्रमाणे १४ ऑगष्ट २०१० रोजी संध्याकाळी सात वाजता श्री मृत्युंजयेश्वर मंदिरात संपन्न झाले. सर्व प्रथम कु. हर्षदा भोळे हिने संस्कार भारतीचे ध्येय गीत सादर केले.

ह्या कार्यक्रमाला सौ. स्वाती दैठणकर ह्या प्रमुख पाहुण्या लाभल्या होत्या.श्रीयुत रवि देव ह्यांनी प्रमुख पाहुण्यांचा सत्कार केला. नुकत्याच पार पडलेल्या गुरुपौर्णिमेच्या पार्श्वभूमी वर प्रमुख पाहुण्यांनी, प्रत्येक कलाकाराच्या हृदयात ठसलेल्या नटराज दैवताबद्दल ची माहिती तसेच गुरुचे कलाकाराच्या आयुष्यातील अढळ स्थान आदि मुद्दे विस्तारून सांगत सर्वांना मार्गदर्शन केले.

आजच्या नृत्यांगना अमृता परांजपे ह्यांनी आपल्या कथ्थक नृत्य शैलीत  प्रथम गुरुवंदना  व नंतर ताल प्रस्तुती सादर केली. तसेच त्यांनी अभिनयाची  खासीयत दर्शविणारी काही पदे ही सादर केलीत. त्या प्रख्यात गुरू सौ. शांभवी वझे ह्यांच्या शिष्या आहेत. नृत्य व अभिनय हे त्यांचे वैशिष्ठ्य असून त्यांनी सर्व प्रेक्षकांना सुमारे तास भर मंत्रमुग्ध केले होते.

आजच्या कार्यक्रमाचे सूत्र संचालन सौ. मुग्धा मुळ्ये ह्यांनी केले.

ही आहेत काही क्षणचित्रे

.

संस्कार भारती -- पश्चिम महाराष्ट्र प्रांताची बैठक २०१०

पश्चिम महाराष्ट्र प्रांताची बैठक नुकतीच पुण्यात आनंद मंगल कार्यालयात दिनांक ३१ जुलै व ०१ ऑगस्ट ह्या दोन दिवशी संपन्न झाली.
पहिल्या दिवशी दुपारी उद्‍घाटन झाले. त्या नंतर चर्चात्मक विविध सत्रे झालीत.
रात्री ९ ला " तेजोनिधी सावरकर " हा कार्यक्रम झाला.
ही त्याची चलत क्षण चित्रे


पहिले चलत चित्र :-
सुरुवातीला संस्कार भारतीचे ध्येय गीत झाले

नंतर ची दोन्ही चलत चित्रे आहेत --  स्वा. सावरकर ह्यांच्या ’जयोस्तुते श्री महन्मंगले ’ ह्या गीतावरील नृत्याने सुरुवात झाली त्याची

दुसऱ्या दिवसाच्या पहाटे ६ ला श्री.दिलीप काळे ह्यांचे संतूर वादन व पं अरविंद्कुमार आझाद ह्यांचा तबला अशी दोघांनी अहिरभैरव रागात जुगलबंदी सादर केली.

त्यानंतर ही विविध सत्रे झालीत. आगामी वर्ष हे पश्चिम महाराष्ट्र प्रांताच्या स्थापनेचे पंचविसावे असल्याने विविध कार्यक्रमांची रूपरेषा ठरविली गेली.  नविन कार्यकारिणीची घोषणा झाली. श्री राहूल सोलापूरकर ह्यांची अध्यक्ष म्हणून निवड झाली.

नृत्य साधनेचे दुसरे पुष्प !

गेल्या महिन्यात मासिक नृत्य साधनेस जोरात सुरूवात झालेली होती त्यामुळॆ दुसऱ्या पुष्पा बद्दल प्रेक्षकांच्या अपेक्षा अर्थातच अधिक वाढलेल्या होत्या.

संस्कार भारती पुणे, च्या वतीने आज शनिवारी दिनांक १० जुलै २०१० रोजी संध्याकाळी ठीक ७ वाजता श्री मृत्युंजयेश्वर मंदिरात मासिक नृत्य साधनेच्या दसऱ्या पुष्पास तितक्याच दिमाखात सुरूवात झाली. ठरल्या प्रमाणे आजच्या नृत्यांगना होत्या अमृता सहस्रबुध्दे व आजच्या प्रमुख पाहूण्या होत्या भरतनाट्यम शिकविण्यात गेली सतरा वर्षे कार्यरत आहेत अश्या गुरूवर्य संध्या धर्म आणि संभाजी भागाच्या  पालक सौ. विनया देसाई ह्यांनी सुरुवातीला नटराजाची पुजा केली.

नंतर संस्कार भारतीचे ध्येय गीत  सौ. हिमानी लिमये ह्यांनी सादर केले. लगेचच प्रसिध्द नृत्यांगना अमृता सहस्रबुध्दे ह्यांनी  भरतनाट्यम  ह्या त्यांच्या खास शास्त्रीय नृत्य शैली तून आपल्या एकेक रचना सादर करीत प्रस्तुत नृत्य साधनेचे दुसरे पुष्प श्री मृत्युंजयेश्वराला अर्पण करीत उपस्थित श्रोतृवर्गाला मंत्रमुग्ध केले.

अश्याच पध्दतीने प्रत्येक महिन्याच्या दुसऱ्या शनिवारी, येत्या वर्षभर नृत्य साधना  हा नूतन कार्यक्रम विविध नृत्य कलाकारांच्या सहकार्याने सादर केला जाणार आहे. ह्या कार्यक्रमाची पुढील वर्षभर व्यवस्था पहाण्याची जबाबदारी सौ. मुग्धा मुळ्ये ह्यांनी स्विकारलेली आहे. ह्या दसऱ्या पुष्पाच्या सादरी करणा नंतर त्या सर्व कार्यक्रम संपूर्ण ताकदीने पार पाडतील अशी आता खात्री वाटते.

आजच्या कार्यक्रमाला श्रोतृवर्ग भरपूर संख्येने उपस्थित होता.

ह्या कार्यक्रमा  ची काही  छाया चित्रे  व चित्र-फिती

गणेश वंदना

शिवस्तुती

स्वरजती

वात्सल्य - अर्थात बालकृष्ण

मासिक नृत्य साधनेस सुरूवात झाली !

संस्कार भारती संभाजी भाग, पुणे ह्यांच्या वतीने आज शनिवारी दिनांक ५ जून २०१० रोजी संध्याकाळी ७ वाजता  कर्वे रस्त्या वरील श्री मृत्युंजयेश्वर मंदिरात मासिक नृत्य साधनेची दिमाखात सुरूवात झाली. ठरल्या वेळेप्रमाणे सौ. किशोरी कलघटगी ह्यांनी माईकचा ताबा घेत सूत्र संचालनास सुरूवात केली.

हा त्याचा चलीत अंश पहा

नंतर  संघटन मंत्री श्री. सारंग कुलकर्णी ह्यांनी प्रास्ताविकात संस्कार भारतीची पूर्व पिठीका व ह्या संस्थेच्या कार्याची व निरनिराळ्या उपक्रमांची माहीती दिली..

आजच्या प्रमुख नृत्यांगना सौ. स्वप्ना कुर्डुकर , प्रमुख उपस्थित प्रसिध्द ज्येष्ठ गायिका सौ शोभा अभ्यंकर व संभाजी विभागाच्या  भाग प्रमुख सौ. माधुरी जोशी ह्यांनी सुरुवातीला नटराजाचे पूजन केले..

हा त्याचा चलीत अंश पहा

त्यानंतर संस्कार भारतीचे ध्येय गीत झाल्यावर प्रमुख पाहुण्यांच्या ओळखी झाल्या.

ज्येष्ठ गायिका सौ शोभा अभ्यंकर  ह्यांनी प्रास्ताविक भाषणातून कार्यक्रमाची पूर्वपिठिका विशद केली.

हा त्याचा चलीत अंश पहा

सौ. गीता कोलंगडे ह्यांनी थोडक्यात आभार मानलेत

 हा त्याचा चलीत अंश पहा

त्या नंतर प्रसिध्द नृत्यांगना सौ. स्वप्ना कुर्डुकर ह्यांनी आपल्या शास्त्रीय नृत्यातून आपल्या एकेक रचना सादर करीत व प्रस्तुत नृत्य साधनेचे पहिले पुष्प ओवीत सर्व श्रोत्यांना मंत्रमुग्ध केले.

हा त्याचा चलीत अंश पहा

हा त्याचा चलीत अंश पहा

हा त्याचा चलीत अंश पहा

हा त्याचा चलीत अंश पहा

हा त्याचा चलीत अंश पहा

सगळ्यात महत्वाचे म्हणजे सौ. स्वप्ना कुर्डुकर ह्यांनी, संस्कार भारती ही अखिल भारतीय संस्था संपूर्ण देशभर आपल्या पंधराशेहून अधिक शाखांमार्फत विविध कलांच्या माध्यमातून करीत असलेल्या कार्यां बद्दल आस्था दाखवली. एव्हढेच नव्हे तर त्यांनी स्वत:हून ह्या संस्थेचा आजपासून कार्यकर्ता होण्याचा मानस जाहिर केला. अश्याच पध्दतीने संस्कार भारतीशी अनेक कलाकार कार्यकर्ते संलग्न झालेले आहेत.

हा आहे जमलेला श्रोतृवर्ग


अश्याच पध्दतीने ह्या पुढे प्रत्येक महीन्याच्या दुसऱ्या शनिवारी येत्या वर्षभर नृत्य साधना  हा नूतन कार्यक्रम विविध कलाकारांच्या सहकार्याने सादर केला जाणार आहे. ह्या कार्यक्रमाची मूळ कल्पना सौ. मुग्धा मुळ्ये ह्यांची आहे. त्या स्वत: एक  उत्तम नृत्यांगना असून  त्यांनी पुढील वर्षभर ह्या कार्यक्रमाची व्यवस्था बघण्याची जबाबदारी स्विकारली आहे.


ह्यापुर्वी अश्याच पध्दतीने ह्याच देवालयात प्रथित यश गायकांकडून एक वर्ष भर संगीत साधना सादर केली गेली होती, ह्याची आठवण काढीत अनेक उपस्थित श्रोत्यांनी ह्या नव्या उपक्रमाला शुभेच्छा दिल्यात

ह्या पुढेही सादर होणाऱ्या कार्यक्रमांना श्रोतेवर्ग आवर्जून उपस्थित राहून सहकार्य करतीलच.

दैनिक जागरण सिटी प्लस मध्ये आलेला वृत्तांत